Москвада жөө жүрүүчүлөрдү сүзүп кеткен Чыңгыз Анарбек уулу абактан бошотулду

Москвада жөө жүрүүчүлөрдү сүзүп кеткен Чыңгыз Анарбек уулу абактан бошотулду. Мындай чечимди 11-октябрда Москва шаарындагы Тверск райондук соту кабыл алганын орусиялык ЖМКлар жазды.

Соттун чечимине ылайык, Чыңгыз Анарбек уулу 1 жыл 6 айга кара жумушка тартылып, айлык маянасынын 15 пайызы кармалып калат. Ошондой эле ал 3 жылга чейин унаа айдоо укугунан ажыратылды.

Чыңгыз Анарбек уулу 16-июнь күнү Москванын борбордук көчөлөрүнүн биринде мексикалык футбол күйөрмандарын сүзүп кеткен. Кырсыктан 8 киши жарадар болгон. Айдоочу полиция кызматкерлерине сурак берип жатканда күнү-түнү иштеп уктабагандыктан жолдо уктап кеткенин айткан.

Факты боюнча кылмыш иши козголуп, Анарбек уулу тергөө абагына камакка алынган болчу.

www.super.kg

Gezit.kg - сайтына жазылыңыз
Placeholder Placeholder

Добавить комментарий