Тоңдун тургуну аялын урам деп жатып 4 айлык кызынын башына жыгач менен чаап, өлтүрүп алды

Ысык-Көлдө жубайлардын ортосунда чыр чыгып, анын кесепетинен катуу жаракат алган 4 айлык наристе чарчап калды. Булактардын маалыматы боюнча, окуя 2018-жылдын 28-декабрында болгон.

Тоң районундагы Туура-Суу 1 айылынын четинде жайгашкан кашарда жашаган жубайлар урушкан. Ошол учурда күйөөсү жыгач менен аялын чабам деп, колунда кармап турган төрт айлык кызын башка чаап алган. Ага ачууланган аялы бычак менен күйөөсүнүн сол колунун булчуңуна сайып жиберген. Окуя болгон учурда күйөөсү мас абалда болгон.

Жаңжалдан кийин күйөөсү жана 4 айлык кызы Тоң райондук ооруканага жаткырылып, наристе бир күндөн кийин чарчап калган. Бул үй-бүлөнүн улуу эркек баласы туугандары менен бирге жашаганы белгилүү болду.

Учурда күйөөсү шектүү катары камакка алынса, аялы Баткенге – төркүнүнө кеткен.

 

www.turmush.kg

Gezit.kg - сайтына жазылыңыз
Placeholder Placeholder

Добавить комментарий