Бел суусу эрте түшкөн эркектерге пайдалуу маалымат

Мезгилсиз эякуляция – жыныстык катнаш башталгандан 60 секунд өткөндөн кийин, кээде жыныс мүчөнү кындын ичине киргизээрден мурун уруктуктун түшүп калышы.

Бул көйгөйгө ар кайсы курактагы эркектер туш болушу мүмкүн. Бирок, бел суу түшкөн ар бир учурду оору деп эсептеп, диагноз коюу туура эмес.

Диагноз коюлат, эгерде:

  • Бел суу ар дайым бир мүнөткө жетпей түшсө
  • Жыныстык катнаш учурунда эякуляцияны көзөмөлдөй албаса
  • Жыныстык катнаштан кийин көңүлү чөгүп, кийинки сексуалдык мамиледен качып калса.

Мезгилсиз эякуляциянын эки түрү бар:

Биринчиси — туубаса эякуляция — жыныс мүчөсүнүн астындагы жүгөнчөсү (уздечка) кыска болгондо уруктук бат түшөт. 

Экинчиси — эректирдик дисфункциядан, тубаса простатит, гипертериоздон улам пайда болот.

Көпчүлүк эркектер уруктугу 1-2 мүнөттөн кийин түшүп калса мезгилсиз эякуляцияга чалдыгып калдык деп ойлошот. “Мурун 10 мүнөт болчу, азыр 4-3 мүнөт”,-деп кайрылгандары да жок эмес. Бирок, бел суу 1 мүнөткө жетпей түшсө жана бул адат көптөн бери кайталанса гана текшерүүгө алынат.

Бел суунун эрте түшүүсүнө так эмне себеп болгону белгисиз. Ошентсе да айрымдарына токтоло кетсек:

  • нерв системасынын жабыркашынан
  • стресс же депрессиядан
  • бел суу бир нече ирет эрте түшкөн болсо, кийинкиде дагы эрте түшөт, — деп тынчсыздануудан
  • эректилдик дисфункциядан
  • өнөктөшү экөөнүн ортосундагы мамиледеги көйгөйлөрдөн
  • сийдик чыгаруучу каналдардын же простата безинин сезгенүүсүнөн
  • жыныстык жактан жугуучу инфекциядан ж.б.

Мезгилсиз эякуляция өтүшүп кеткенде:

  • Простата безинин сезгенүүсү өрчүйт
  • Эркек жыныстык катнаштан качып калат
  • Импотенцияга чалдыгат.

Мезгилсиз эякуляциянын анык себебин билүү үчүн бейтапканага барып анализ тапшыруу керек. Өз алдынча дарылануудан эч кандай жыйынтык чыкпайт! Убагында дарыгерге кайрылса, толугу менен сакайып кетет.

 

Вilesinbi.kg

Gezit.kg - сайтына жазылыңыз
Placeholder Placeholder

Добавить комментарий